Հանձնաժողովի աշխատանքը պրոֆեսիոնալ է եղել, մեկ այլ դեպքում դուք ախմախություններ կգրեիք․ Անդրանիկ Քոչարյան

Այսպիսի քննիչ հանձնաժողով, այսպիսի կարևորության և այսպիսի ծավալուն աշխատանք երևի ոչ մի անգամ չի իրականացվել։ Այս մասին այսօր՝ մայիսի 5-ին, ԱԺ-ում ճեպազրույցի ժամանակ ասաց Անդրանիկ Քոչարյանը:

Դիտարկմանը, որ հանրության մեջ դեռ մութ կետեր կան Ապրիլյան պատերազմի հետ կապված հատկապես, հատկապես երբ  իշխանությունները ստեղծեցին այսպիսի հանձնաժողով, Քոչարյանը պատասխանեց.

«Քննիչ հանձնաժողովը ստեղծվել է Ազգային ժողովի  47 պատգամավորների պահանջով, իրավունքի ուժով և սա միակ քննիչ հանձնաժողովն է, որը իրավասու է  իրականացնել միայն պաշտպանության և անվտանգության հանձնաժողովը՝ ըստ գործող սահմանադրության։ Ուրեմն ստեղծվել է և աշխատանքներին մասնակցել են  ընդդիմության ներկայացուցիչները, մեկ տարի դուք զգացե՞լ եք որևէ արտահոսք, դա էլ է չէ խոսում հանձնաժողովի աշխատանքի պրոֆեսիոնալ որակի մաիսն։ Մեկ այլ դեպքում դուք կգրեիք, որ տելեգրամյան ալիքում ասեցին, որ այսինչ հանձնաժողովը․.. դուք արտատպում եք, ինչպես արտատպեցիք մի ախմախություն, որ ես Արցախում խոզաբուծական  ֆերմա ունեմ, ամոթա չէ։»

Այն հարցին, թե հանրությունը իր հարցերի պատասխանը որտեղի՞ց պետք է ստանա, Քոչարյանը նշեց. 

«Կամաց-կամաց թույլատրելի սահմաններում ինձանից, հանձնաժողովի մյուս անդամներից, պատգամավորներից։ Ապրիլյան պատերզամի հետաքրքրությունը շարունակում է մնալ, որովհետև ես էլի էն կարծիքին եմ, որ 44-օրյա պատերազմը շարունակությունն էր Ապրիլյան պատերազմի»,- նշեց Քոչարյանը: