Ամերիկյան Հարավային Կարոլինայում գնդակահարությունը հաստատվել է՝ որպես մահապատժի միջոց
Համաշխարհային Մամուլ
Ամերիկյան Հարավային Կարոլինա նահանգի Ներկայացուցիչների պալատը հաստատել է գնդակահարությունը՝ մահապատժի դատապարտվածների համար էլեկտրական աթոռին կամ մահացու ներարկումին որպես այլընտրանք, հաղորդում է Associated Press-ը:
Հաղորդվում է, որ այս հարցը քննարկման է դրվել մահացու ներարկումների սակավության պատճառով: Ըստ նոր օրինագծի՝ ներարկման դեֆիցիտի դեպքում բանտարկյալից կխնդրեն ընտրություն կատարել էլեկտրական աթոռի կամ գնդակահարության միջև: Ներկայացուցիչների պալատի փաստաթուղթը նահանգի Սենատի կողմից մարտին հաստատված նախագծի փոքր-ինչ փոփոխված տարբերակն է: Հետևաբար, օրենքը անարգել վերահաստատվելու է Սենատի կողմից և ուղարկվելու է նահանգապետին, որն արդեն խոստացել է ստորագրել այն: Այս պահին պետական բանտերում գտնվում են մահապատժի դատապարտված 37 անձինք։ Նրանցից երեքը սպառել են բողոքարկման գործընթացի հնարավորությունը և, որպես արդյունք, պետք է մահապատժի ենթարկվեն:
Հարավային Կարոլինան կդառնա ԱՄՆ չորրորդ նահանգը, որը գնդակահարությունը թույլատրել է՝ որպես մահապատիժ: Այնուամենայնիվ, ակնկալվում է, որ կատարման նոր կանոնները կվիճարկվեն դատարաններում:
Ամենադիտված 
Մնաս բարյավ. Րաֆֆի Հովհաննիսյան
