Վրաստանում վաղը տեղի կունենա գեյ-շքերթ
ԱշխարհՀունիսի 5-ին Թբիլիսիում Pride Week-ի («Արժանապատվության շաբաթ») շրջանակներում տեղի կունենա գեյ-շքերթ կամ այսպես կոչված «Արժանապատվության երթ»: Շքերթի կազմակերպիչն է Tbilisi Pride հասարակական կազմակերպությունը, որն աշխատում է ԼԳԲՏ համայնքի իրավունքների պաշտպանության ոլորտում, հայտնում է eadaily.com-ը:
ՀԿ-ի ղեկավարներից մեկի` Գեորգի Տաբագարիի խոսքով, ակցիան տեղի կունենա Ռուսթավելի պողոտայում` «Դուրս եկեք համերաշխության համար» կարգախոսի ներքո:
«Այսպիսով, նրանք ցանկանում են համերաշխություն հայտնել ներկայումս Վրաստանում շարունակվող քաղաքական, սոցիալական և մշակութային բողոքի ցույցերին՝ լինի դա Նամախվանի ՀԷԿ-ի կառուցման հակառակորդների ակցիաները, թե Նինոծմինդայի մանկական գիշերօթիկ դպրոցում ստեղծված իրավիճակի պատճառով ցույցերը»,- նշում է Tbilisi Pride-ը:
Կազմակերպիչների խոսքով՝ «Արժանապատվության երթին» կմիանան նաև «Սիրցխվիլիա» (Ամոթ) շարժման և Վրաստանի «Կանանց շարժման» ակտիվիստները: