Եգիպտոսը թույլատրել է կորոնավիրուսի դեմ պատվաստված անձանց մուտք գործել երկիր՝ առանց ՊՇՌ թեստի

COVID-19- ի դեմ ամբողջությամբ պատվաստված օտարերկրացիները կարող են մուտք գործել Եգիպտոս՝ առանց ՊՇՌ թեստի, հայտարարել է երկրի առողջապահության նախարարությունը: Այցելուները պետք է իրենց հետ ունենան պատվաստման վկայագիր: Պարզաբանվում է, որ այս օրենքը տարածվում է միայն այն երկրների այցելուների վրա, որտեղ կորոնավիրուսի մուտացիայի ենթարկված շտամներ չկան: Եթե ​​զբոսաշրջիկը ժամանում է այն երկրներից, որտեղ մուտացիաներ են գրանցվել, մասնավորապես՝ Հնդկաստանից, ապա, չնայած վկայագրին, նա ստիպված կլինի օդանավակայանում կատարել էքսպրես թեստ կորոնավիրուսի համար: Դրական արդյունքի դեպքում նաև պետք է ՊՇՌ թեստ հանձնել:

Եգիպտոսի առողջապահության նախարարության տվյալներով՝ համաճարակի ողջ ժամանակահատվածում երկրում հայտնաբերվել է ավելի քան 278 հազար դեպք, մահացել է գրեթե 16 հազար մարդ: