Կիևի մերձակայքում Ուկրաինայի նախկին նախագահի նստավայրն են գտել
Աշխարհ
Կիեւի մերձակայքում գտնվող ուկրաինական Նովիե Բեզրադիչի գյուղում հայտնաբերվել է հսկայական նստավայր, որը պատկանում է երկրի նախկին նախագահ Վիկտոր Յուշչենկոյին: Քաղաքական գործիչը 25 տարի զբաղվում էր կալվածքների կառուցմամբ, հայտնել է Ստրանա.ua-ն:
Գյուղը գտնվում է Ուկրաինայի մայրաքաղաքից 20 կիլոմետր հեռավորության վրա: Յուշչենկոն այնտեղ է տեղափոխվել 2014 թվականին: Ըստ լրատվամիջոցի՝ պետության նախկին ղեկավարը 700 քառակուսի մետր է ձեռք բերել 1990-ականներին, երբ զբաղեցնում էր Ուկրաինայի ազգային բանկի ղեկավարի պաշտոնը:
Այս պահին Յուշչենկոն իր տրամադրության տակ ունի 3.5 հա տարածք, որտեղ գտնվում են առանձնատունը, հյուրատունը, այգին, արհեստանոցը, մեղվաբուծարանն ու հողմաղացները: Տարածքում կան մի քանի ջրամբարներ, որոնց մի մասը հագեցած է ձկնորսական կամուրջներով: Կա նաև բարբեքյուի տարածքով տեռաս:
Լրագրողները նշել են, որ տարածքի հարեւանությամբ փորվել է մոտ երեք մետր լայնությամբ ջրանցք: Դեպի առանձնատուն տանող ասֆալտապատ ճանապարհի երկայնքով տեղադրված է փողոցային լուսավորություն, իսկ որոշ տեղերում կան տեսադիտարկման տեսախցիկներ:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
