Հյուսիսային Կորեայի առաջնորդ Կիմ Չեն Ընին Ճապոնիայում դատարան են կանչել
Աշխարհ
Ճապոնիայում Հյուսիսային Կորեայի առաջնորդ Կիմ Չեն Ընին դատարան են կանչել՝ Ճապոնիայում ապրող մի քանի կորեացիների փոխհատուցման գործով, ովքեր պնդել են, որ տուժել են Հյուսիսային Կորեայում մարդու իրավունքների ոտնահարումներից այն բանից հետո, երբ միացել են «Երկրի վրա դրախտ» խոստացող վերաբնակեցման ծրագրին, փոխանցում է AP-ն:
Իհարկե, չի սպասվում, որ Հյուսիսային Կորեայի առաջնորդ Կիմ Չեն Ընը կներկայանա հոկտեմբերի 14-ին կայանալիք դատական նիստին, սակայն նրան կանչելու դատավորի որոշումը հազվագյուտ դեպք է, երբ օտարերկրյա առաջնորդին չի տրվել ինքնիշխան անձեռնմխելիություն, ասել է հայցվորներին ներկայացնող փաստաբան Քենջի Ֆուկուդան:
Նրանք յուրաքանչյուրը Հյուսիսային Կորեայից 100-ական միլիոն իեն (900 000 ԱՄՆ դոլար) փոխհատուցում են պահանջում՝ մարդու իրավունքների խախտման համար, որից, իրենց կարծիքով, իրենք տուժել են վերաբնակեցման ծրագրի շրջանակներում:
Ճապոնիայում բնակվող մոտ 93 000 էթնիկ կորեացիները եւ նրանց ընտանիքների անդամները մի քանի տասնամյակ առաջ մեկնել են Հյուսիսային Կորեա՝ ավելի լավ կյանք որոնելու: Շատերը Ճապոնիայում խտրականության են բախվել:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
