Սեբաստիան Կուրցը հայտարարել է Ավստրիայի կանցլերի պաշտոնից հեռանալու մասին

Ավստրիայի կանցլեր Սեբաստիան Կուրցը շաբաթ օրը հայտարարել է, որ իր դեմ կաշառակերությանը նպաստելու եւ վստահությունը չարաշահելու կասկածանքով շարունակվող հետաքննության պատճառով որոշել է հեռանալ պաշտոնից, հայտնում է ՏԱՍՍ -ը:

Նա հանրապետության նախագահ Ալեքսանդր Վան դեր Բելենին առաջարկել է եվրոպական եւ արտաքին գործերի նախարար Ալեքսանդր Շալենբերգին կառավարության ղեկավարի պաշտոնակատար նշանակել:

Կուրցն ինքը կմնա Ավստրիական ժողովրդական պահպանողական կուսակցության առաջնորդը եւ կզբաղեցնի Ազգային խորհրդի (խորհրդարանի ստորին պալատի) անդամի տեղը: Համապատասխան հայտարարությունը նա արել է հատուկ հրավիրված ասուլիսում: