Քադիրովին մեղադրել են Թուրքիա գաղտնի այցելություն կատարելու մեջ

Չեչնիայի ղեկավար Ռամզան Քադիրովի գլխավորությամբ պատվիրակությունը չի թաքցրել իր գտնվելու վայրը Թուրքիայում: Այս մասին Instagram-ի իր էջում ասել է Չեչնիայի տեղեկատվության նախարար Ահմեդ Դուդաևը: Նրա հայտարարությունը հրատարակել է «Кавказ.Реалии» կայքը:

Այսպիսով, Դուդաեւն արձագանքել է Քադիրովի հասցեին հնչած մեղադրանքներին: Բլոգերները, այդ թվում՝ Թուրքիայում բնակվող Հասան Հալիթովը, նկատել են, որ Քադիրովի` Թուրքիայում գտնվելու փաստը գաղտնի է պահվում և չի լուսաբանվում:

«Կարծում եք, որ ինչ-որ մեկը կթաքցնի՞ իր գտնվելու վայրը, քանի որ դուք այնտեղ եք: Դուք ո՞վ եք ձեր կարծիքով: Դուք եք մեզանից փախչողը, այլ ոչ մենք՝ ձեզանից: Դուք չպետք է որևէ մեկին փնտրեք, այդ ձեզ են փնտրում: Հենց դուք եք անընդհատ թաքնվում տարբեր ճեղքերում, ինչպես առնետները», - ասել է Դուդաեւը:

Նրա խոսքով՝ սոցիալական ցանցերում տեսանյութեր և լուսանկարներ հրապարակվել են ուղևորության ժամանակ, այլ ոչ թե Թուրքիան լքելուց հետո: Ի պաշտպանություն իր խոսքերի` Դուդաևը ցուցադրել է Չեչնիայի ղեկավարի Instagram-յան ոչ պաշտոնական էջի պատմության արխիվից սքրինշոթեր : Դրանց վրա նշված են հրապարակման ամսաթվերը` հոկտեմբերի 11-ը և 12-ը: Բացի այդ, նախարարը հիշեցրել է, որ հրապարակումներ է կատարել նաև բլոգեր Հուսեյն Հասանովը, ով նրանց հետ է եղել Թուրքիայում: