Տարածաշրջանային առանցքային հարցերի մեծ մասում Իրանի և ՌԴ-ի դիրքորոշումները համընկնում են կամ շատ մոտ են. ՌԴ ԶՈՒ ԳՇ պետ

«Չնայած կորոնավիրուսային համաճարակի պատճառով ստեղծված ծանր իրավիճակին, մեր շփումները մնում են բավականին ինտենսիվ», - ասել է Ռուսաստանի Դաշնության զինված ուժերի գլխավոր շտաբի պետ Վալերի Գերասիմովը երկուշաբթի օրը Իրանի Գլխավոր շտաբի պետ Մոհամմադ Հոսեյն Բաղերիի հետ բանակցությունների ժամանակ:

Գերասիմովը նշել է Մոսկվայի և Թեհրանի նման մոտեցումները գլոբալ և տարածաշրջանային անվտանգության հիմնական խնդիրների լուծման վերաբերյալ:

«Տարածաշրջանային և գլոբալ օրակարգի առանցքային հարցերի մեծ մասում մեր դիրքորոշումները համընկնում են կամ շատ մոտ են», - ասել է ռուս զինվորականը:

Նրա խոսքով՝ Իրանը Ռուսաստանի Դաշնության ամենամոտ գործընկերն է, կողմերը պատրաստ են համակարգել մոտեցումները հարցերի լայն շրջանակի վերաբերյալ:

«Մեր երկրների հարաբերությունները հիմնված են բարեկամության և համագործակցության երկարաժամկետ ավանդույթների վրա: Նրանք առանձնանում են վստահելի քաղաքական երկխոսության և փոխըմբռնման բարձր մակարդակով, փոխադարձ հետաքրքրություն ներկայացնող հարցերի լայն շրջանակի մոտեցումները համակարգելու պատրաստակամությամբ», - ասել է Գերասիմովը:

Նա վստահություն է հայտնել, որ իրանական պատվիրակության այցելությունը Ռուսաստան կլինի հագեցած ու բեղմնավոր, և առաջարկել է քննարկել երկու երկրների բանակների միջև փոխգործակցության ամենակարևոր ասպեկտները: