Տղամարդը փողոցում հարվածներ է հասցնում կնոջը և հայհոյում (տեսանյութ)

Համացանցում տարածվել է տեսանյութ, որտեղ այսօր՝ ժամը 14։20-ի սահմաններում Երևանի Նոր Նորք վարչական շրջանում քաղաքացիները ականատես են եղել և տեսագրել են փողոցում տղամարդու կողմից կնոջ նկատմամբ իրականացված ֆիզիկական բռնությունը, ծեծն ու հայհոյանքները։ Ականատեսների վկայությամբ՝ բռնության ենթարկվող կինը դեպքի վայրից հեռացել է այլ մեքենայով։

ԼՈՒՐԵՐ․com-ի հետ զրույցում ՀՀ ոստիկանության հասարակայնության հետ կապի և լրատվության վարչության զանգվածային լրատվամիջոցների հետ կապի, վերլուծության և լրատվության բաժնի պետ Զարզանդ Գաբրիելյանն ասաց՝ դեպքի հետ կապված ահազանգ կամ հաղորդում չի ստացվել, սակայն տեսանյութն ուսումնասիրվում է։