Գերմանիայում նույն օրը տեղի են ունեցել ռուսամետ ու ուկրաինամետ ակցիաներ
Աշխարհ
Կիրակի օրը գերմանական մի քանի քաղաքներում կրկին ռուսամետ ու ուկրաինամետ ցույցեր են տեղի ունեցել։
Մոտ 350 մեքենա անցել է Հանովերով՝ ոստիկանների ուղեկցությամբ։ Ակցիայի մեկնարկը հետաձգվել է, քանի որ ոստիկանությունը պահանջել է մեքենաների կապոտներից հանել ռուսական հսկայական դրոշները, հայտնում է EPD լրատվամիջոցը։
Զուգահեռաբար, դեղին և կապույտ դրոշներով մոտ 3500 մարդ հավաքվել է Հանովերի կենտրոնում՝ բողոքելու Ուկրաինայի վրա Ռուսաստանի հարձակման դեմ։
Մայնի Ֆրանկֆուրտի իշխանությունները արգելել են ավտոերթի անցկացումը՝ ի պաշտպանություն Մոսկվայի գործողությունների, սակայն թույլ են տվել ոտքով երթ անցկացնել, որին մասնակցել են մի քանի հարյուր ռուսամետ ցուցարարներ։
Deutsche Welle-ի փոխանցմամբ՝ ռուսամետ ցուցարարները վանկարկել են ռազմատենչ կարգախոսներ, ինչը թույլ է տալիս ոստիկանությանը գործեր բացել ռուսական ագրեսիան հավանություն տալու համար։
Ինչպես Հաննովերում, այնպես էլ Ֆրանկֆուրտում, Ուկրաինայի կողմնակիցներն իրենց ակցիան են անցկացրել՝ ի պաշտպանություն ուկրաինացի ժողովրդի։
Ամենադիտված 
ՀՀ ՊՆ–ն հայտարարություն է տարածել
