Ավտովթար՝ Երևանում․ Opel-ը բախվել է երկաթյա էլեկտրասյանը, 60-ամյա վարորդը հիվանդանոցում մահացել է

Երեկ՝ ապրիլի 10-ին, ողբերգական ավտովթար է տեղի ունեցել Երևանում:  Այս մասին հայտնում է shamshyan.com-ը։

Ժամը 21:30-ի սահմաններում, Երևանի բնակիչ, 60-ամյա Կարեն Գևորգյանը՝ իր վարած Opel Omega մակնիշի ավտոմեքենայով, Երևան-Էջմիածին ավտոճանապարհի Մայրաքաղաքային 44 հասցեի դիմաց դուրս է եկել երթևեկելի գոտուց և բախվել երկաթյա էլեկտրասյանը:  

Վթարի հետևանքով Կ. Գևորգյանը դուրս է բերվել ավտոմեքենայից և տեղափոխվել «Աստղիկ» բժշկական կենտրոն։ Վիրավորը՝ գիտակցության չգալով, մահացել է:

Փաստի առթիվ նյութեր են նախապատրաստվում:  

Ըստ նախնական տեղեկությունների՝ ավտովթարի պատճառը եղել է վարորդի  ինքնազգացողության վատանալը: