Փեսան հարսի զգեստի պատճառով մորը վռնդել է հարսանիքից

WeddingDressBlue մականունով Reddit-ի օգտատերը պատմել է, որ իր մորը վռնդել է հարսանիքից այն պատճառով, որ նա առանց թույլտվության սոցցանցում հրապարակել է հարսի հարսանյաց զգեստի լուսանկարը։ Այս մասին հայտնում է Daily Mirror-ը։

Կոնֆլիկտի պատճառն այն է եղել, որ հարսնացուն արգելել է փեսայի մորը հրապարակել հարսանեկան զգեստի լուսանկարները։ Նա ցանկացել է խորանին մոտենալիս անակնկալ մատուցել իր հորն ու ապագա ամուսնուն, և նույնիսկ երկու լուսանկարչի է վարձել՝ այդ պահը հավերժացնելու համար:

Չնայած արգելքին՝ հարսանիքից 30 րոպե առաջ փեսայի մայրը սոցցանցում հրապարակել է հարսի զգեստով ու քողով լուսանկարները։ Նկարի մասին ծանուցումներ են ստացել բոլոր հյուրերը, այդ թվում՝ հարսնացուի հայրը։ Արդյունքում անակնկալը փչացավ։ «Կինս այս մասին իմացել է միայն արարողությունից հետո, քանի որ խորանին մոտենալուց առաջ զբաղված էր վերջին նախապատրաստական ​​աշխատանքներով»,- պատմել է փեսացուն։

Երբ եկեղեցում արարողությունն ավարտվել է, փեսան մորը վռնդել է հարսանիքից և թույլ չի տվել նրան մասնակցել հարսանեկան երեկույթին։ «Ես չեմ ուզում, որ մայրս այլևս լինի իմ կյանքում, քանի որ այն, ինչ նա արեց, մանրոգի էր և եսասիրական», - բացատրում է նա: Մորը հետևելով՝ նրա կրտսեր քույրը, հայրը և ընտանիքի մի քանի այլ անդամներ նույնպես լքել են հարսանիքը: