Հոգեբանը նշել է, թե ինչպիսի ազդեցություն են թողնում մեծահասակների համար նախատեսված ֆիլմերը տղամարդկանց վրա

Պոռնոգրաֆիա դիտելը տղամարդկանց դարձնում է վատ սիրեկաններ, սակայն այն օգնում է կանանց դառնալ ավելի ազատ և բարելավել իրենց սեռական կյանքը, պարզել են Լոզանի և Ժնևի համալսարանների հոգեբանները։ Այս մասին նրանք խոսել են Psychological Medicine ամսագրում հրապարակված հոդվածում:

Հետազոտողները եռաստիճան հետազոտություն են անցկացրել տարբեր երկրների բնակիչների վրա՝ տարեկան հավաքելով տվյալներ, թե որքան հաճախ են հարցվածները դիտում պոռնոֆիլմեր, ինչպես են գնահատում սեքսի մասին իրենց գիտելիքները և որքանով են գոհ իրենց սեռական կյանքից: Հետազոտության սկզբում հարցերին պատասխանել են 101,5 հազար երիտասարդ տղամարդիկ և կանայք, այդ թվում՝ ավելի քան 8,6 հազար հետերոսեքսուալ զույգեր, գրեթե 22 հազարն ավարտել են բոլոր երեք փուլերը։

«Մենք պարզեցինք, որ որքան հաճախ են տղամարդիկ դիտում պոռնոֆիլմեր, այնքան ավելի են կասկածում իրենց սեռական կարողություններին, այնքան ավելի շատ խնդիրներ են ունենում անկողնում, և հետևաբար նրանց զուգընկերներն ավելի հաճախ են հայտնում իրենց սեռական դժգոհության մասին: Կանանց մոտ հայտնաբերեցինք հակառակ միտումը. որքան շատ են կանայք դիտում պոռնոֆիլմեր, այնքան բարձր է նրանց կոմպետենտության զգացումը սեքսում, այնքան ավելի քիչ սեռական խնդիրներ են ունենում, և այնքան ավելի սեքսուալ են համարվում իրենց զուգընկերոջ կողմից»,- ասել են գիտնականները:

Թեև պոռնոարդյունաբերության հիմնական թիրախը տղամարդիկ են, վերջիններս, ի վերջո, պարտվում են դիտումից, նշել են աշխատանքի հեղինակները։ Ավելի վաղ ուսումնասիրությունները ցույց են տվել, որ պոռնոֆիմեր դիտելը տղամարդկանց հանգեցնում է իրենց առնանդամի նկատմամբ դժգոհության և, ընդհանրապես, սեփական սեքսուալության վերաբերյալ կասկածների, իսկ տեսածը կրկնելու փորձերը միշտ չէ, որ ըմբռնումով են ընդունվում զուգընկերուհու կողմից: Կանանց համար, կարծես թե, պոռնոն ավելի շատ ոգեշնչում է, որը դրդում է նրանց ավելի ազատ դառնալ և փորձարկումներ անել անկողնում: