Վաղը 15։30-ին եղեք Ֆրանսիայի հրապարակում՝ Նիկոլ Փաշինյանի հրաժարականի հանրային պահանջը ներկայացնելու համար․ Սաղաթելյան

Մայիսի 4-ին, վաղ առավոտից շարունակվում են բողոքի ակցիաները։ Այս մասին այսօր Ֆրանսիայի հրապարակում տեղի ունեցած հանրահավաքի ավարտին տեղեկացրեց Հայաստան խմբակցության պատգամավոր Իշխան Սաղաթելյանը։

Բացի այդ,  ժամը 12․00-14․00-ն շարունակվելու են բողոքի ակցիաները՝ փակվելու են ճանապարհներ ու  շրջափակելու են փողոցներ։

Այնուհետև ժամը 15․30-ին, կրկին նախատեսված է հանրահավաք Ֆրանսիայի հրապարակում։

Ժամի փոփոխությունը պայմանավորված է նրանով, որ վաղը ԱԺ-ում տեղի է ունենալու Կառավարության հետ հարց ու պատասխան։ Ինչպես տեղեկացրեց Սաղաթելյանը,  ժամը 16․00-ին Փաշինյանը լինելու է ԱԺ-ում։

«Մենք պետք է ժամը 15․30-ին լինենք այս հրապարակում՝ իր հրաժարականի պահանջը ներկայացնելու համար»,- ասաց նա և միաժամանակ՝ կոչ արեց շարունակել գործադուլներն ու դասադուլները։