«Մինչեւ աշխարհը փոխելը սկսում եմ իմ ընտանիքից, առաջին հերթին մենք պատասխանատու ենք մեր երեխաների առջեւ»․ Լիլիթ Մուրադյան

Հաղորդավարուհի Լիլիթ Մուրադյանը իր ինստագրամայն էջում ընտանեկան ջերմ լուսանկար է հրապարակել ու մեկնաբանություններում կիսվել իր մտքերով։

Հրապարակված լուսանկարում Լիլիթը պատկերված է իր երեխաների հետ, որոնց ջերմ գրկել է:

Հրապարակմանը կից Լիլիթը գրել է. 

«Կհանդիպենք դրսում, թե համացանցում, խնդրում եմ ժպտացեք։ Մեր երկիրը շրջապատված է թշնամիներով, ներսում մեզ թշնամանք պետք չէ։

Ինձ հաճախ հարցնում եք՝ «իսկ դու ի՞նչ ես անում, որ լավ լինի», իրավացի եք, ճիշտ և տեղին հարց է, մինչև աշխարհը փոխելը սկսում եմ իմ ընտանիքից, ի վերջո առաջին հերթին մենք պատասխանատու ենք մեր երեխաների առջև։ Սովորեցնում ենք նրանց սիրել հայրինքը, բացատրում ենք, թե ինչ է հայրենիքը, ինչու պետք է ապրենք այս հողի վրա, բացատրում ենք՝ ինչ է կրոնը, ով է թուրքը և թե ինչու մենք չենք կարող ներել այդ բորենիներին։

Չկա «վատ հայ», կա «մոլորված հայ», այո՛, մենք մոլորվել ենք, բայց սա վերջը չէ, չհանձնվեք, մենք ունենալու ենք ուժեղ Հայաստան, որտեղ ապրելու են մեր երեխաներն, այդ Հայաստանում չպետք է լինի սանձարձակություն, գողություն, սուտ։ Այդ Հայաստանում մենք ուղիղ մեջք պետք է ունենանք, ապահով պետք է լինենք և գուցե նաև երջանիկ։ Մենք տեսանք ամենասարսափելին, պատերազմ ու մահ, կա արդյո՞ք ավելի մեծ ողբերգություն, ինչպիսին պատերազմ է, կարծում եմ՝ չկա, բայց ես հավատում եմ, ես վստահ եմ, ամեն ինչ լավ է լինելու, հավատա նաև դու»,- գրել է Լիլիթը։

Այս թեմայով Լիլիթ Մուրադյանը ներկայացել է լողազգեստով (լուսանկար) «Մենք մեր երեխաներին պետք է չստիպենք ամուսնանալ հանուն կարծրատիպերի, այլ միայն հանուն սիրո եւ հարգանքի»․ Լիլիթ Մուրադյան «Չկա ավելի գեղեցիկ երեւույթ, երբ կինը հիանում ու սատարում է մեկ այլ կնոջ»․ Լիլիթ Մուրադյան «Հալվեցի»․ Լիլիթ Մուրադյանի եւ որդու ջերմ լուսանկարը «Չեմ թաքցնում՝ շատ եմ փոխվել, չնայած կարծում եմ՝ բոլորս ենք փոխվել»․ Լիլիթ Մուրադյան