Ռուսաստանում պահանջել են քրեական գործ հարուցել Ֆիլիպ Կիրկորովի դեմ
Այլ«Ցարգրադ» շարժումը պահանջել է քրեական գործ հարուցել երգիչ Ֆիլիպ Կիրկորովի դեմ՝ հոբելյանական համերգի շրջանակում շրջված խաչի վրա պարելու պատճառով, գրում է URA.RU-ն։
«Քրիստոսի խաչելության խորհրդանիշը, որը ուղղափառության գլխավոր խորհրդանիշներից և հարգանքի օբյեկտներից մեկն է, այդ դրվագում հրապարակայնորեն ցուցադրվել է տապալված, և Կիրկորովը երկար ժամանակ տրորում էր այն ոտքերով` շրջապատված նրա առաջ խոնարհվող մարդկանցով»,- ասված է «Ցարգրադի»՝ ՌԴ գլխավոր դատախազ Իգոր Կրասնովին ուղղված դիմումի տեքստում։
Փաստաբան Ալեքսանդր Դոբրովինսկին NEWS.ru-ի հետ զրույցում ասել է, որ իրեն դուր է եկել Կիրկորովի համարը։ Նա պարզաբանել է, որ դրա մեջ սրբապղծություն չի տեսնում, իսկ հավատացյալների զգացմունքները վիրավորելու կասկածները «խոսակցություն» է անվանել։ Փաստաբանի խոսքով՝ երաժիշտը դեռ չի դիմել իրեն իրավական օգնության համար։
«Ես իսկապես չեմ հասկանում, թե ինչ սրբապղծություն են նրանք գտել այնտեղ: Հիմա, եթե հայց ստանանք, ապա, հավանաբար, այս գործով կզբաղվենք։ Մինչդեռ սա խոսակցություն է»,- նշել է Դոբրովինսկին։
Ցանցում հայտնված հատվածի համաձայն՝ «Մարիա Մագդալենա» երգի կատարման ժամանակ բեմում հայտնվում է լուսավոր խաչ, որի ներսում դերասանուհին «խաչված է»։ Այս խաչը Կիրկորովի համար դառնում է «բեմ», իսկ սեւ խալաթներով պարողները ծնկի են իջնում ու խոնարհվում խաչի ու կատարողի առաջ։