Հրապարակվել է Ծիր Կաթին գալակտիկայի կենտրոնում գերզանգվածային սև խոռոչի առաջին լուսանկարը

Եվրոպական հարավային աստղադիտարանը (ESO) եւ Իրադարձությունների հորիզոնի աստղադիտակը (Event Horizon Telescope, EHT) ներկայացրել են գերզանգվածային սեւ խոռոչի առաջին լուսանկարը Ծիր Կաթին գալակտիկայի կենտրոնում, որտեղ գտնվում է Երկիրը: Պատկերը ներկայացվել է բացմանը նվիրված մամուլի ասուլիսում, հայտնում է Lenta-ն։

Այս վայրում սեւ խոռոչի գոյության մասին ենթադրություններն ի հայտ են եկել 20-րդ դարի վերջին, երբ աստղագետները հետեւել էին աստղերի տարօրինակ շարժմանը օբյեկտի շուրջը, եւ 2020 թվականին այս հայտնագործության համար Նոբելյան մրցանակ էր շնորհվել։ Տիեզերական օբյեկտը հնարավոր է եղել լուսանկարել «Իրադարձությունների հորիզոն աստղադիտակ»-ի ռադիո եւ միլիմետրային ալիքների աստղադիտարանների գլոբալ ցանցի միջոցով։

Սեւ խոռոչը, որի շուրջը պտտվում է ամբողջ գալակտիկան, գտնվում է Արեգակից 27 000 լուսային տարի հեռավորությամբ եւ կապված է Աղեղնավոր A* ռադիոաղբյուրի հետ։ Տիեզերական այս հատվածի դիտարկումները տեղի են ունեցել դեռեւս 2017 թվականին, սակայն ստացված տվյալների մշակման համար մոտ հինգ տարի է պահանջվել, քանի որ ռադիոաղբյուրի շուրջ գազի պայծառությունն ու կառուցվածքը չափազանց արագ են փոխվել:

2022 թվականի ապրիլին գիտնականները հայտնաբերել են սեւ խոռոչներ, որոնք կլանման բացթողման արդյունքում արտամղված նյութն օգտագործում են սեփական զանգվածը մեծացնելու համար: Այս ուսումնասիրությունը մեզ թույլ է տվել իմանալ, թե ինչպես են ոչ մեծ սեւ խոռոչներից միջին չափի սեւ խոռոչներ ձեւավորվում: