Միասնությամբ կարելի է դիմակայել ցանկացած անվտանգային մարտահրավերի․ Արթուր Մոսիյան
Քաղաքական
Արցախի և Հայաստանի առջև ծառացած ցանկացած անվտանգային մարտահրավերի կարելի է դիմակայել միայն միասնական ջանքերով: Այս մասին, ինչպես գրում է Արցախպրեսը, մամուլի ասուլիսի ընթացքում համոզմունք է հայտնել է ԱՀ Ազգային ժողովի «Հայ Հեղափոխական Դաշնակցություն» խմբակցության ղեկավար Արթուր Մոսիյանը:
Նա նշել է, որ Արցախի Հանրապետության Ազգային ժողովի պատվիրակությունը ՀՀ կատարած այցի և հանդիպումների ընթացքում իր աջակցության պատրաստակամությունն է հայտնել ադրբեջանական ագրեսիայի հետևանքով տուժած հայրենակիցներին: Բանախոսը փաստում է, որ արցախցիների համար Ջերմուկը, Գյումրին և Մայր հայրենիքի մյուս բնակավայրերը նույն նշանակությունն ու կարևորությունն ունեն, ինչպես Ստեփանակերտը, Մարտակերտը:
Անդրադառնալով Արցախի ապագային, կարգավիճակի խնդրի լուծման հնարավորություններին, Ա. Մոսիյանը, կարևորելով համախմբումն անելիքների շուրջ, ընդգծել է, որ ԱՀ ԱԺ խորհրդարանում ձևավորվել է միասնական տեսակետ: «Խորհրդարանական մեր բոլոր խմբակցությունները, անշուշտ,շարունակելու են միակամ լինել խնդիրների լուծման շուրջ համախմբման հարցում, որովհետև այդ միասնականության մեջ մենք կարող ենք փրկել այն,ինչ մնացել է և հասնել մեր նպատակին»,-հավելել է Ա.Մոսիյանը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
