Շարունակելու ենք աջակցել հայ ժողովրդի ժողովրդավարական ձգտումներին, ինքնիշխանությանը և անվտանգությանը. Բլինկենի ուղերձը՝ Անկախության օրվա կապակցությամբ

ԱՄՆ պետքարտուղար Էնթոնի Բլինկենը շնորհավորական ուղերձ է հղել Հայաստանի Հանրապետության Անկախության օրվա առթիվ։

«Ամերիկայի Միացյալ Նահանգների անունից լավագույն մաղթանքներն եմ հղում Հայաստանի ժողովրդին՝ ձեր Անկախության օրվա առթիվ։ Ավելի քան 30 տարի առաջ, երբ Հայաստանը հռչակեց անկախություն Խորհրդային Միությունից, մենք տեսանք ձեր նվիրվածությունը ժողովրդավարական արժեքներին, ինչպես նաև ձեր երկրի մարդու իրավունքների, օրենքի գերակայության, տնտեսության և արդարադատության ոլորտի զարգացմանն ու ամրապնդմանը», - ասվում է ուղերձում, որը հրապարակվել է Հայաստանում ԱՄՆ դեսպանատան էջում։

«Մենք հպարտ ենք, որ համագործակցում ենք Հայաստանի հետ այս ոլորտներում՝ որպես մեր ընդհանուր արժեքների արտացոլում։ Մենք շարունակելու ենք աջակցել հայ ժողովրդի ժողովրդավարական ձգտումներին, ինքնիշխանությանը և անվտանգությանը։

Մենք բարձր ենք գնահատում ձեր պատրաստակամությունը աջակցելու ջանքերին՝ տարածաշրջանում ավելի մեծ կայունություն բերելու համար: Մենք մեր ցավակցությունն ենք հայտնում վերջին հարձակումների ժամանակ կորցրած կյանքերի համար և հավատարիմ ենք մնում ձեզ և այլ կողմերի հետ աշխատելու՝ հակամարտության խաղաղ կարգավորմանը նպաստելու համար:

Մենք ակնկալում ենք շարունակել զարգացնել մեր երկկողմ հարաբերությունները և տնտեսական կապերը: Հայ ժողովրդին մաղթում եմ բարեկեցիկ և խաղաղ տարի»,-ասվում է ուղերձում։