Ռուսաստանում մասնակի մոբիլիզացիա հայտարարելու որոշումը սխալ է. Գերմանիայի էկոնոմիկայի նախարար
Համաշխարհային Մամուլ
ՌԴ նախագահ Վլադիմիր Պուտինի՝ երկրում մասնակի մոբիլիզացիա հայտարարելու որոշումը սխալ է։ Այս մասին հայտարարել է Գերմանիայի էկոնոմիկայի նախարար Ռոբերտ Հաբեկը, փոխանցում է Reuters-ը։
Հաբեկը մոբիլիզացիան անվանել է իրադարձությունների «վատ զարգացում»։ Նրա խոսքով՝ Գերմանիայի կառավարությունը խորհրդակցություններ է անցկացնում հետագա գործողությունների վերաբերյալ։
Ինչպես հայտնի է, ՌԴ նախագահը հայտարարել է, որ Ռուսաստանը մասնակի մոբիլիզացիա կհայտարարի չորեքշաբթի օրվանից՝ սեպտեմբերի 21-ից։ Համապատասխան հրամանագիրն արդեն ստորագրվել է։ Այս որոշումն ընդունվել է՝ կապված Ռուսաստանի ինքնիշխանության և ամբողջականության պահպանման անհրաժեշտության հետ, պարզաբանել է պետության ղեկավարը՝ ընդգծելով, որ զորակոչի կենթարկվեն միայն այն ռուսները, ովքեր պահեստազորում են։
Բացի այդ, Պուտինը հայտարարել է միջուկային զենք կիրառելու հնարավորության մասին՝ ընդգծելով, որ «սա բլեֆ չէ»։ Նրա կարծիքով, մի շարք արևմտյան երկրներ փորձում են շանտաժի ենթարկել Մոսկվային միջուկային զենքի կիրառմամբ։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
