Սոթքում դասապրոցեսը չի վերսկսվել, բնակիչների մեծ մասը լքել է գյուղը․ գյուղապետը նոր մանրամասներ է հայտնում
Հասարակություն
Ադրբեջանի վերջին հարձակման թիրախ դարձած Գեղարքունիքի մարզի Սոթք սահմանամերձ գյուղում ընդհանուր վիճակը հուսադրող չէ։
Թեպետ, ինչպես ԼՈՒՐԵՐ․com-ի հետ զրույցում վստահեցրեց գյուղապետ Սևակ Խաչատրյանը, վերջին օրերին կրակոցներ չկան, այդուհանդերձ, բնականոն կյանքը չի վերականգնվել։
«Շարունակում ենք համապատասխան ուսումնասիրություններ և ճշտումներ անել, թե ինչ վնաս է պատճառվել Սոթքին՝ ադրբեջանական վերջին ագրեսիայի հետևանքով։ Այս պահին կրակոցներ չկան»,-նշեց Խաչատրյանը։
Հարցին, թե նախքան վերջին էսկալացիան, ընդհանուր առմամբ, քանի բնակիչ ուներ Սոթքը, գյուղապետը նշեց․
«Գյուղն ունի 983 բնակիչ։ Ցավոք, մեծ մասը լքել է գյուղը։ Այդուհանդերձ, մարդիկ աստիճանաբար սկսել են վերադառնալ, կարող եմ ասել, որ օրեցօր վերադարձողների թիվն ավելանում է»։
Ինչ վերաբերում է ԿԳՄՍՆ նախարարի հրամանին՝ հրադադարի հաստատումից հետո Գեղարքունիքում, Սյունիքում և Վայոց Ձորում դասապրոցեսը վերսկսելու վերաբերյալ, Սևակ Խաչատրյանն ասաց, որ Սոթքում երեխաները դեռ դպրոց չեն հաճախում՝ անվտանգության նկատառումներով։
Արա Ալոյան
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
