«Եկել է միասնության օրը: Ես Ադրբեջանն եմ». պանթյուրքիստները որոշել են օգտվել Իրանում ստեղծված իրավիճակից

Իրանի Իսլամական Հանրապետության հյուսիսարևմտյան նահանգների տարբեր քաղաքներում անցկացվող ցույցերի ժամանակ սադրանքներին զուգահեռ պանթյուրքիստ ակտիվիստները թռուցիկներ են բաժանել, որոնց վրա գրված է.

«Եկել է միասնության օրը: Ես Ադրբեջանն եմ», «Արաքս գետի երկու կողմում՝ Հայրենիք», «Թավրիզ-Բաքու», «Ադրբեջանի հաղթական ապստամբությունը մոտ է»:

Ադրբեջանը, Թուրքիան և նրանց թիկունքում կանգնած գլոբալ ուժերը օգտագործում են աշխարհում ստեղծված իրավիճակը՝ անջատողականների օգնությամբ խաթարելու Իրանի անվտանգությունը, ինչի մասին բազմիցս զգուշացրել են Իրանի իշխանություններն ու փորձագետները։

Բաքուն իր հերթին ձգտում է Իրանին շեղել Հարավային Կովկասում ստեղծված իրավիճակից, քանի որ Թեհրանը հստակ հայտարարել է, որ անընդունելի է տարածաշրջանում սահմանների փոփոխությունը։