Կոլումբիայի նախագահը ՄԱԿ-ի Գլխավոր ասամբլեայում կոչ է արել օրինականացնել կոկաինը

Մինչ ՄԱԿ-ի Գլխավոր ասամբլեայում աշխարհի երկրների ներկայացուցիչների մեծ մասը խոսում էր Ռուսաստանի զինված ագրեսիայի մասին, Կոլումբիայի նախագահ Գուստավո Պետրոն ողջ աշխարհին կոչ արեց օրինականացնել կոկաինը։

Իր ելույթում նա հայտարարել է, որ Լատինական Ամերիկայում թմրանյութերի դեմ պայքարին պետք է վերջ տալ։

Նա պնդում էր, որ այդ պատերազմն ավարտվել է անհաջողությամբ։ Ավելին, նա հակադրել է թմրամոլության վտանգները մարդկության համար էլ ավելի վնասակար, իր կարծիքով, «իռացիոնալ իշխանությունից կախվածությունից, շահույթից և փողից»։

«Ի՞նչն է թունավոր մարդկության համար՝ կոկաինը, ածուխը, թե նավթը: Թմրամիջոցների օգտագործման կրճատումը պատերազմների կարիք չունի: Մենք բոլորս պետք է կառուցենք ավելի լավ հասարակություն»,- ասել է Պետրոն:

Կոլումբիայի նախագահն ընդգծել է, որ քիչ թվով մարդիկ են մահանում կոկաինի գերդոզավորումից, մինչդեռ ածուխն ու նավթը «կարող են ոչնչացնել ողջ մարդկությունը»։