Զելենսկին «ցնցված է» այն փաստից, որ Իսրայելը ոչ մի օգնություն չի ցուցաբերել Ուկրաինային. Ouest-France
Համաշխարհային Մամուլ
Ուկրաինայի նախագահ Վլադիմիր Զելենսկին «ցնցված է» այն փաստից, որ Իսրայելը ոչ մի օգնություն չի ցուցաբերել Ուկրաինային Ռուսաստանի հետ լայնամասշտաբ պատերազմի սկզբից ի վեր՝ միաժամանակ զենք արտահանելով այլ երկրներ։
«Ես ցնցված եմ: Չեմ հասկանում, Իսրայելը մեզ ոչինչ չի տվել, ոչինչ, զրո... Ես հասկանում եմ, որ նրանք պետք է պաշտպանեն իրենց հողը, բայց ես տեղեկություն ստացա, որ Իսրայելն իր զենքն արտահանում է այլ երկրներ», Ouest-France-ին տված հարցազրույցում ասել է Վլադիմիր Զելենսկին։
Խոսքը, մասնավորապես, հակաօդային պաշտպանության մասին է։
«Ինչո՞ւ մեզ հակաօդային պաշտպանություն չտալ»,- հարցրել է Զելենսկին:
Նա հայտարարել է, որ չի մեղադրում Իսրայելի առաջնորդներին, Իսրայելը համարում է անկախ պետություն և բարձր է գնահատում քաղաքացիական հասարակության կողմից Ուկրաինայի աջակցությունը։
«Քննարկումներ են եղել Իսրայելի ղեկավարության հետ, և դա չի օգնել Ուկրաինային: Դուք կարող եք տեսնել Ռուսաստանի ազդեցությունը Իսրայելի վրա»,- նշել է նա։
Բացի այդ, նա ասել է, որ «կցանկանար ավելի վճռական գործողություններ տեսնել Գերմանիայի կողմից, Թուրքիայի կողմից և ԱՄՆ-ի կողմից, քանի որ հակաօդային զենք արտադրողները քիչ են»:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
