Կոչ ենք անում դադարեցնել ուկրաինական ճգնաժամը՝ Ռուսաստանի և ՆԱՏՕ-ի միջև հակամարտությունը կանխելու համար. Հունգարիայի ԱԳՆ
Համաշխարհային Մամուլ
Հունգարիայի արտաքին գործերի նախարար Պետեր Սիյարտոն հայտարարել է, որ Ռուսաստանի և ՆԱՏՕ-ի երկրների միջև հակամարտության վտանգը կպահպանվի այնքան ժամանակ, քանի դեռ չի լուծվել ուկրաինական ճգնաժամը։ Այս մասին դիվանագետն ասել է Նյու Յորքում ընթացող ՄԱԿ-ի Գլխավոր ասամբլեայի բարձր մակարդակի շաբաթվա շրջանակներում, փոխանցում է РИА Новости-ն։
«Այդ պատճառով ես ափսոսում եմ, որ արդեն ուրբաթ է, քանի որ երկուշաբթի օրը ժամանելով (Նյու Յորք), ես հույս ունեի, որ ՄԱԿ-ի Գլխավոր ասամբլեան լավ նորություններ կբերի», - ասել է Սիյարտոն:
Նրա խոսքով, ՄԱԿ-ը ամենահարմար վայրն է ամբողջ աշխարհում հակամարտությունների կարգավորման հետ կապված հարցերը քննարկելու համար։ Չնայած դրան՝ Հունգարիայի ԱԳՆ ղեկավարը նշել է, որ վերջին հինգ օրվա ընթացքում իրավիճակն աշխարհում էլ ավելի է վատացել։
«Եթե մենք չդադարեցնենք դա, հետևանքները հսկայական կլինեն», - ասել է Սիյարտոն:
Սիյարտոն նաև կոչ է արել կանխել Ռուսաստանի և ՆԱՏՕ-ի երկրների միջև ռազմական առճակատումը, որի հետևանքները «կողմերից ոչ մեկին պետք չեն»։
Ամենադիտված 
Մնաս բարյավ. Րաֆֆի Հովհաննիսյան
