Թուրքիան կարող է ամերիկյան F-16-ի փոխարեն ռուսական Սու-35 գնել
Համաշխարհային Մամուլ
Թուրքիայի պաշտպանական արդյունաբերության վարչության ղեկավար Իսմայիլ Դեմիրը CNN Türk-ին ասել է, որ երկիրը կարող է դիտարկել ռուսական Սու-35 կործանիչներ գնելու հարցը, եթե ամերիկյան F-16 գնելու գործարքը ձախողվի։
«Տարբերակներից մեկը կարող է լինել Սու-35-ը»,- ասել է նա՝ պատասխանելով առաջատար հեռուստաալիքի հարցին։
Ավելի վաղ Թուրքիայի նախագահ Ռեջեփ Թայիփ Էրդողանը PBS-ին տված հարցազրույցում ասել էր, որ երկիրը կկարողանա հոգ տանել իր մասին, եթե անգամ ԱՄՆ-ից F-16 կործանիչներ չստանա։
Անցյալ տարվա հոկտեմբերին Անկարան Վաշինգտոնին խնդրել էր գնել 40 Lockheed Martin F-16 կործանիչ և գրեթե 80 բաղադրիչ՝ թուրքական ռազմական ինքնաթիռների արդիականացման համար։
2022 թվականի հուլիսին ԱՄՆ նախագահի վարչակազմի բարձրաստիճան պաշտոնյան ասաց, որ Միացյալ Նահանգները պաշտպանում է F-16 կործանիչներ գնելու Թուրքիայի առաջարկը՝ չնայած Կոնգրեսի հակառակ դիրքորոշմանը։
Արդյունքում՝ ամռանը տեղի ունեցավ F-16-ի շուրջ բանակցությունների մի քանի փուլ։ Պետքարտուղարությունը նույնպես հաստատել է Թուրքիայի հետ այս հարցով շփումները, սակայն պաշտոնական համաձայնագիր չի ստորագրվել։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
