Միչիգանում տղամարդը դանակահարել է մի երիտասարդի, կտրել նրա մարմնի մասերն ու կերել
ԱյլԱՄՆ Միչիգան նահանգում Դեյվիդ Լատունսկին մեղադրվում է 25-ամյա երիտասարդի սպանության և մարդակերության մեջ։ Այս մասին հայտնում է Daily Mail-ը։
Հանցագործությունը կատարվել է 2021 թվականի դեկտեմբերին։ Մահացածի դին հայտնաբերվել է տան կտուրում` կախված վիճակում, նա վրա եղել է դանակի մի քանի վնասվածքներ։ Լատունսկին խոստովանել է, որ դանակով հարվածել է զոհի մեջքին և հեռացրել նրա մարմնի որոշ մասերը։
Դրանից հետո հարձակվողը դրանք եփել ու կերել է։ Այժմ առաջին և երկրորդ կարգի սպանության մեջ մեղադրվող Լատունսկուն սպառնում է ցմահ ազատազրկում` պայմանական վաղաժամկետ ազատման հնարավորությամբ կամ առանց դրա:
Այժմ ամբաստանյալն ընդունել է իր մեղքը, ինչը ցնցել է անգամ նրա փաստաբանին։ Նա նախատեսում էր, որ վստահորդի անմեղսունակությունը կապացուցի մինչև դատավճռի հրապարակումը։
Դրա հայտարարությունը սպասվում է հոկտեմբերի 18-ին։