Հասանովն ու Թուրքիայի պաշտպանության նախարարը հեռախոսազրույց են ունեցել

Ադրբեջանի պաշտպանության նախարար, գեներալ-գնդապետ Զաքիր Հասանովը և Թուրքիայի ազգային պաշտպանության նախարար Հուլուսի Աքարը հեռախոսազրույց են ունեցել, հայտնում է Trend-ը՝ հղում անելով Ադրբեջանի պաշտպանության նախարարության մամուլի ծառայությանը։

«Կողմերը քննարկել են հայ-ադրբեջանական սահմանին տիրող իրավիճակը և հայկական զինված ուժերի «վերջին սադրանքների» դեմ ձեռնարկված միջոցառումները։

Ադրբեջանի և Թուրքիայի պաշտպանության նախարարները մտքեր են փոխանակել նաև ադրբեջանա-թուրքական ռազմական համագործակցության հեռանկարների շուրջ»,-ասված է հաղորդագրության մեջ։

Ավելի վաղ հայտնել ենք, որ Ադրբեջանի պաշտպանության նախարարի գլխավորությամբ տեղի է ունեցել զինված ուժերի բարձրագույն սպայակազմի խորհրդակցություն։

Հանդիպման ընթացքում, Զաքիր Հասանովը նշել է, որ Իլհամ Ալիևը բարձր է գնահատել սեպտեմբերի 13-14-ին Ադրբեջանի ԶՈՒ-ի գործողությունները։

Նախարարը կոնկրետ հանձնարարականներ է տվել բարձրացնել անձնակազմի զգոնությունը, անհապաղ և վճռականորեն ճնշել ցանկացած տեսակի սադրանք, որը կարող է իրականացվել Հայաստանի զինված ուժերի կողմից։