Պուտինը դիտարկում է Կիևի հետ բանակցություններին վերադառնալու հնարավորությունը. Չավուշօղլու

Թուրքիայի արտաքին գործերի նախարար Մևլութ Չավուշօղլուն ասել է, որ ՌԴ նախագահ Վլադիմիր Պուտինն իր թուրք գործընկեր Ռեջեփ Թայիփ Էրդողանին ասել է Ուկրաինայի հետ բանակցություններին վերադառնալու հնարավորության մասին, սակայն նոր պայմաններով։ Այս մասին դիվանագետն ասել է Տոկիոյում կայացած մամուլի ասուլիսում, փոխանցում է РИА Новости-ն։

Նրա խոսքով՝ Պուտինը Էրդողանին ասել է ուկրաինական կողմի հետ բանակցությունները վերսկսելու իր մտադրության մասին Սամարղանդում Շանհայի համագործակցության կազմակերպության գագաթնաժողովում՝ իրենց հանդիպման ժամանակ։ Չավուշօղլուն նշել է, որ ամեն օր ավելի ու ավելի դժվար է դառնում բանակցությունների վերսկսումը։

Ավելի վաղ Ուկրաինայի նախագահ Վոլոդիմիր Զելենսկին հայտարարել էր, որ ԴԺՀ-ի, ԼԺՀ-ի, Զապորոժիեի և Խերսոնի շրջանները Ռուսաստանի Դաշնության կազմ մտնելու վերաբերյալ հանրաքվեների ավարտից հետո Մոսկվայի հետ դիվանագիտական ​​բանակցությունների մասին խոսք լինել չի կարող։ Ուկրաինայի ղեկավարի խոսքով՝ Ռուսաստանի նախագահ Վլադիմիր Պուտինը «շատ լավ գիտի դա», քանի որ Կիևը բազմիցս հրապարակայնորեն հայտարարել է իր դիրքորոշումը։