Ճապոնիան նոր պատժամիջոցներ է սահմանել Ռուսաստանի դեմ

Ճապոնիայի իշխանությունները հաստատել են Ռուսաստանի դեմ պատժամիջոցների նոր փաթեթը։ Արգելքի տակ է հայտնվել Ռուսաստան քիմիական զենքի հետ կապված ապրանքների արտահանումը։ Այս մասին հայտնում է РИА Новости-ն՝ հղում անելով Ճապոնիայի էկոնոմիկայի, առևտրի և արդյունաբերության նախարարության հաղորդագրությանը։

Նոր պատժամիջոցները վերաբերում են պաշտպանական արդյունաբերության հետ կապված 21 կազմակերպության։ Այն նաև արգելում է քիմիական զենքի արտադրության հետ կապված ապրանքների մատակարարումը։ Սահմանափակումները ուժի մեջ են մտնում հոկտեմբերի 3-ից։
Բացի այդ, արգելվում է Ռուսաստան արտահանել նավթավերամշակման բարձր տեխնոլոգիական սարքավորումներ, քվանտային համակարգիչներ և դրանց բաղադրիչներ, էլեկտրոնային մանրադիտակներ, ատոմային ուժի մանրադիտակներ, 3D տպիչներ և դրանց համար սպառվող նյութեր, օրգանական լույս արձակող դիոդների արտադրության սարքավորումներ, միկրոէլեկտրամեխանիկական սխեմաներ, ջրածնային վառելիքի և էներգիայի վերարտադրվող ձևերի համար բարձր արդյունավետությամբ արևային բջիջներ, վակուումային պոմպեր, չափազանց ցածր ջերմաստիճանների համար նախատեսված սառնարանային սարքավորումներ, էլեկտրամագնիսական ալիքների հայտնաբերումը բարդացնող նյութեր և այլն։