Մոլդովայի նախագահը սպառնացել է քաղաքացիությունից զրկել այն մոլդովացիներին, որոնք կկռվեն Ռուսաստանի կողմից

Մոլդովայի բնակիչներին, ովքեր որոշել էին մասնակցել Ռուսաստանի կողմից հատուկ գործողությանը, սպառնում են զրկել քաղաքացիությունից։ Նախազգուշացումը ճեպազրույցում հնչեցրել է հանրապետության նախագահ Մայա Սանդուն, գրում են միջազգային լրատվամիջոցները։

«Մոլդովայի Հանրապետության արևելյան շրջաններում առկա է Մոլդովայի քաղաքացիների մոբիլիզացիայի վտանգ: Նման գործողությունները կանխելու համար մենք վերլուծում ենք Ռուսաստանի Դաշնության քաղաքացիություն ունեցող անձանց Մոլդովայի Հանրապետության քաղաքացիությունից զրկելու հնարավորությունը: Մենք նաև ուսումնասիրում ենք պատիժը խստացնելու հնարավորությունը Մոլդովայի քաղաքացիների համար, ովքեր ցանկանում են լինել վարձկաններ», - ասել է  Մայա Սանդուն և ավելացրել, որ Քիշնևը կխնդրի Ռուսաստանի Դաշնությանը չհավաքագրել Մոլդովայի քաղաքացիներին։

Ավելի վաղ հայտնի էր դարձել, որ Ուկրաինայում նախատեսում են մինչև 15 տարվա ազատազրկում տալ ռուսական անձնագիր ստանալու համար։ Փոխվարչապետ Իրինա Վերեշչուկի՝ Նեզալեժնայայի խոսքով, կառավարությունն արդեն համաձայնեցրել է համապատասխան օրինագիծը։ Նրա խոսքով, միջազգային իրավունքում չկան համապատասխան նորմեր Ուկրաինայի տարածքում անօրինական «ռուսական անձնագրավորմանը» հակազդելու համար։