Ռուսաստանի և Վրաստանի սահմանին ավելի քան 4800 ավտոմեքենա է կուտակվել

Ռուսաստանի՝ Վրաստանի հետ սահմանին գտնվող Հյուսիսային Օսիայի Վերին Լարսի անցակետում մոտ 3500 ավտոմեքենա և 1300 բեռնատար է կուտակվել։ Այս մասին հայտնում է Интерфакс-ը՝ հղում անելով հանրապետության փոխվարչապետ Իրբեկ Տոմաևին։

Նրա խոսքով՝ վերջին մի քանի օրվա ընթացքում Վրաստանի ուղղությամբ ավտոմեքենաների հոսքը զգալիորեն աճել է։

«Այսօր Վերին Լարսի անցակետով սպասում է մոտ 3500 ավտոմեքենա. Հանրապետության ճանապարհներին տրանզիտային տրանսպորտային միջոցների ընդհանուր թիվը կազմում է 4800, այդ թվում՝ 1300 բեռնատար»,- ասել է Տոմաևը։

Վլադիկավկազի մերձակայքում կառուցվող ճանապարհի մի հատվածում ավտոմեքենաների համար ժամանակավոր կայանում է կազմակերպվել, հավելել է Հյուսիսային Օսիայի փոխվարչապետը։