Իտալիայի ապագա վարչապետը խոսել է համաշխարհային գերիշխող գաղափարախոսության մասին

Գերիշխող համաշխարհային գաղափարախոսությունը վախենում է ավանդական ընտանեկան արժեքներից, քանի որ դրանք կազմում են մարդկային ինքնությունը։ Այդ գաղափարախոսությունը նպատակ ունի մարդկանց դարձնել սպառողներ-ստրուկներ։ Նման կարծիք է հայտնել «Իտալիայի եղբայրներ» կուսակցության առաջնորդ Ջորջիա Մելոնին, որը, ինչպես կանխատեսվում է, կլինի Իտալիայի նոր վարչապետը։ Նրա խոսքերը մեջբերում է Lenta.ru-ն:

«Ինչո՞ւ է ընտանիքը նրանց համար թշնամի։ Ինչո՞վ է այն վախեցնում նրանց: Այս բոլոր հարցերի պարզ պատասխանը կա: Որովհետև դա այն է, ինչ կազմում է մեր էությունը: Որովհետև դա է մեր ինքնությունը», - ասել է նա: Ըստ Մելոնիի` այս գերիշխող գաղափարախոսությունը հարվածում է ազգային, կրոնական, գենդերային և ընտանեկան ինքնություններին:

Նա նշել է, որ եթե մարդուն վերածեք «թվի» և զրկեք արմատներից, նա կլինի իդեալական ստրուկ՝ տրված «ֆինանսական սպեկուլյանտների ողորմածությանը»։ Մելոնին նաև հայտարարել է, որ յուրաքանչյուրն ունի իր յուրահատուկ գենետիկ կոդը, և դա սուրբ է։ Նա խոստացել է ամբողջ ուժով պաշտպանել այդ արժեքները։