Բրիտանացին նախկին ընկերուհուն սպառնալիքներով և վիրավորանքներով 41 դրամական փոխանցում է ուղարկել
ԱյլՄեծ Բրիտանիայում տեղի բնակչուհին տասնյակ սպառնալիքներով դրամական փոխանցումներ է ստացել իր 29-ամյա նախկին ընկերոջից։ Այս մասին հայտնում է Daily Mail-ը։
Աղջիկը տղամարդու հետ հանդիպել է ընդամենը երեք ամիս։ Բաժանվելուց հետո նա անընդհատ զանգահարում և գրում էր նրան, ծաղիկներ ու մոմեր էր թողնում նրա տան շեմին, ինչպես նաև կեղծ օգտահաշիվներ էր ստեղծում նրան հետևելու համար:
Բրիտանուհին արգելափակել է նրան բոլոր սոցիալական ցանցերում, որից հետո տղամարդն սկսել է գումար փոխանցել նրան ու մեկնաբանություններում սպառնալիքներ ու վիրավորանքներ գրել։ Նա պահանջել է ապաարգելափակել իր օգտահաշիվը, նրան անվանել է մարմնավաճառ և ասել, որ երբեք ուրիշին չի գտնի։ Ընդհանուր առմամբ կինը ստացել է 41 փոխանցում։
«Ես ամեն օր վախի մեջ եմ ապրում։ Ես լավ չեմ քնում, քանի որ անընդհատ անհանգստանում եմ, հատկապես, եթե գիշերը աղմուկ եմ լսում: Երբ դուրս եմ գալիս, անընդհատ հետ եմ նայում։ Դա ազդեց նաեւ որդուս վրա։ Ես պետք է հնարավորություն ունենամ նրան այգի տանել, բայց չեմ կարողանում անել»,- ասել է նա։
Արդյունքում աղջիկը դիմել է իրավապահ մարմիններին, իսկ երիտասարդը ձերբակալվել է։ Դատարանը նրան դատապարտել է 12 ամսվա հանրային աշխատանքի՝ 135 ժամ չվարձատրվող աշխատանքով, ինչպե նաև 20 օր սոցիալական վերականգնման։ Դատարանը նրան երկու տարի արգելել է նաև շփվել նախկին ընկերուհու հետ և մոտենալ նրա տանը։