Հունաստանին Թուրքիայի դեմ աջակցում է ողջ Եվրոպան. Հունաստանի վարչապետ
Աշխարհ
Թուրքիայի հետ հակամարտությունում Հունաստանին աջակցում են ողջ Եվրոպան և ՆԱՏՕ-ի դաշնակիցները, ուստի Անկարան պետք է անցնի «իմաստալից երկխոսության»: Այս մասին հայտարարել է Հունաստանի վարչապետ Կիրիակոս Միցոտակիսը, փոխանցում է ՏԱՍՍ-ը։
Միցոտակիսը նշել է, որ Աթենքը ՄԱԿ-ի Գլխավոր ասամբլեայում հստակ հասկացրել է իր «կարմիր գծերի» մասին Էգեյան ծովում գտնվող կղզիների նկատմամբ ինքնիշխանության հարցում։ Միաժամանակ, նա վստահեցրել է, որ հույները բարեկամական վերաբերմունք են պահպանում թուրք ժողովրդի նկատմամբ։
«Մյուս կողմը կարող է միապաղաղ կրկնել իր ստերն ու սպառնալիքները։ Սակայն այս պարում նա մենակ է մնում։ Մենք մնում ենք հանգիստ և վստահ մեր հստակ դիրքորոշումներում»,- ասել է Հունաստանի վարչապետը։ Նա նաև առաջարկել է թուրքերին բոցաշունչ ելույթների փոխարեն ընտրել «բովանդակալից երկխոսության ճանապարհը»։
«Ի վերջո, նրանց դեմ են ոչ միայն Հունաստանը, այլ ամբողջ Եվրոպան, ինչպես նաև ՆԱՏՕ-ի մեր դաշնակիցները»,- ընդգծել է Միցոտակիսը։
Թուրքիան և Հունաստանը բազմիցս հայտնվել են ռազմական բախման եզրին տարածքային ջրային ռեսուրսների, Էգեյան ծովի օդային տարածքի և կղզիների կարգավիճակի շուրջ։
Ավելի վաղ Թուրքիայի ԱԳՆ-ն կանչել էր Հունաստանի դեսպանին՝ ապառազմականացված կղզիներում տեխնիկա տեղակայելու պատճառով։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
