Բժիշկն առանց դեղահաբերի գլխացավից ազատվելու միջոց է նշել
ԱյլԳլխացավը կարող է վկայել օրգանիզմում հեղուկի պակասի մասին, որի դեպքում մեկ բաժակ ջուրը կօգնի լուծել խնդիրը, Sputnik ռադիոյին տված հարցազրույցում ասել է նյարդաբան Պավել Խորոշևը։
«Գլխացավի սուր նոպաների ժամանակ մարդը պետք է հիշի, թե որքան ջուր է խմել այդ օրը։ Եթե դա առավոտյան մեկ բաժակ սուրճ էր, իսկ արդեն 15:30 է, ապա պետք է խմել մեկ կամ երկու մեծ բաժակ ջուր կամ թեյ։ Պետք է նաև խորը, ինտենսիվ շնչել՝ արյան թթվածնով հագեցվածությունը բարձրացնելու համար»,- խորհուրդ է տվել բժիշկը՝ հավելելով, որ նման գործողություններից հետո ավելի լավ կզգաք միայն 40-60 րոպե հետո։
Խորոշևը նշել է, որ բազմաթիվ առողջական խնդիրներ կապված են այն բանի հետ, որ մարդը քիչ ջուր է օգտագործում։ «Սա ազդում է հյուսվածքների և մարմնի համակարգերի մատակարարման որակի վրա, և խնդիրներ են առաջանում, այդ թվում՝ գլխացավ»,- եզրափակել է բժիշկը։