Զելենսկուն խնդրել են Ուկրաինային վերադարձնել միջուկային կարգավիճակը. խնդրագիր է ստեղծվել

Վլադիմիր Զելենսկուն խնդրել են պաշտոնապես հայտարարել Բուդապեշտի հուշագրից՝ երկրի դուրս գալու մասին (համաձայն որի՝ 1994 թ. Ուկրաինան հրաժարվել է միջուկային զենքից) և պետությանը վերադարձնել միջուկային կարգավիճակը:

Այդ մասին ասված է նախագահի կայքում հայտնված խնդրագրի տեքստում, գրում է ՌԻԱ Նովոստի-ն:

Հատկանշական է, որ Զելենսկու կայքում նմանատիպ խնդրագիր հրապարակվել էր 2020 թվականի մայիսին. այն ժամանակ առաջարկությանը կողմ էր արտահայտվել 195 մարդ, մինչդեռ հարցի լրացուցիչ դիտարկման համար անհրաժեշտ էր 25 հազար ձայն: