Միակողմանի հանրաքվեները վնասում են դիվանագիտական գործընթացին. Էրդողանը՝ Զելենսկուն

Թուրքիայի նախագահ Ռեջեփ Թայիփ Էրդողանը հեռախուսազրույց է ունեցել Ուկրաինայի նախագահ Վլադիմիր Զելենսկու հետ:

Քննարկված հարցերից մեկը վերաբերել է Ուկրաինայի տարածքում ՌԴ-ին միանալու հարցով հանրաքվեների անցկացմանը:

Էրդողանը համոզմունք է հայտնել, որ ինչպես «հացահատիկային միջանցքի» հարցում է համաձայնություն գտնվել, այդպես էլ՝ նման լուծում կտրվի նաև ՌԴ-ի վերահսկողության ներքո գտնվող Զապորոժիեի ԱԷԿ-ի մասով:

Նրա խոսքով, միակողմանի հանրաքվեները դժվարացնում են դիվանագիտական գործընթացի աշխուժացմանն ուղված ջանքերը: