Ջրմուղագործը վիճակախաղով միլիոններ է շահել և դրանք ծախսել թմրանյութերի ու զենքերի վրա

Մեծ Բրիտանիայում վիճակախաղով հարստություն շահած տեղի բնակիչը, ով աշխատում էր որպես ջրմուղագործ, թողել է աշխատանքն ու սկսել թմրանյութեր օգտագործել։ Այս մասին հայտնում է Daily Star-ը։

Տղամարդը 2017 թվականին շահել է 13,5 միլիոն ֆունտ գումար։ Միջոցները ստանալուց հետո նա մի քանի տներ է գնել Հարավային Ավստրալիայում և Նոր Զելանդիայում. որոշ ժամանակ անց տղամարդը տեղափոխվել է այնտեղ: Նա նաև սկսել է թմրանյութեր օգտագործել և մեծ գումարներ ծախսել զենքի վրա, չնայած այն բանին, որ ծնողները տնօրինում էին նրա ֆինանսները հավատարմագրային հիմնադրամի միջոցով։

Ջեքփոթը շահելուց երեք տարի անց իրավապահները ներխուժել են Ավստրալիայում գտնվող նրա տուն, որտեղ հայտնաբերել են կոկաին և մարիխուանա, ինչպես նաև զինամթերք:

Խուզարկության ժամանակ տունը սարսափելի վիճակում է եղել՝ ամենուր աղբ ու կեղտ է եղել։ Դատարանի ներկայացուցիչը նշել է, որ տղամարդը «կորցրել է կյանքի մոտիվացիան» ու նախընտրել է, ինչպես ինքն է պնդում, «հեդոնիստական ​​ապրելակերպ»։

Տղամարդը ձերբակալվել է և մեղադրանք է առաջադրվել հոգեակտիվ նյութերի վաճառքի և չլիցենզավորված հրազեն պահելու համար։ Նա դատապարտվել է երեք տարի ինը ամիս ազատազրկման՝ պայմանական վաղաժամկետ ազատման հնարավորությամբ։ Սակայն հետագայում պատիժը մեղմացվել է, և նա գրավի դիմաց ստացել է երկու տարվա պայմանական ազատազրկում։