Ամերիկուհուն ձերբակալել են ջրարջի հետ բար այցելելուց հետո

ԱՄՆ-ի բնակչուհին ձերբակալվել է` ջրարջի հետ բար այցելելու համար, գրում է HuffPost-ը։

38-ամյա Էրին Քրիստենսենը մոտ երեք ամիս առաջ գտել է ջրարջին ճանապարհի եզրին և անվանել Ռոքի: Ամերիկուհին խոստացել է, որ կբուժի կենդանուն, իսկ հետո բաց կթողնի բնություն, բայց չի արել։ Հյուսիսային Դակոտա նահանգի օրենքների համաձայն, որտեղ բնակվում է կինը, անօրինական է տանը վայրի ջրարջ պահելը։

Բացի այդ, Էրինը Ռոքիի հետ եկել է բար և թույլ տվել մյուս հաճախորդներին խաղալ և շոյել ընտանի կենդանուն: Պարզվել է, որ ջրարջը պատվաստված չէ, և նա կարող էր կատաղության կրող լինել։ Հաստատության աշխատակիցը վստահեցնում է, որ իր այցելության ժամանակ կենդանին ոչ մեկի չի կծել, սակայն առողջապահության պետական ​​վարչությունը մարդկանց զգուշացրել է հնարավոր հետեւանքների մասին։

Այնուամենայնիվ, այն բանից հետո, երբ իշխանությունները էվթանազիայի ենթարկեցին ջրարջին, կատաղության թեստը բացասական է եղել: Չնայած դրան՝ Քրիստենսենը ձերբակալվել է։ Նա մեղադրվում է իրավապահներին կեղծ տեղեկություններ տրամադրելու, իրեղեն ապացույցներ կեղծելու և կենդանիներին ապօրինի պահելու մեջ։

Այս թեմայով Հայ դատի Ամերիկայի հանձնախումբը սատարում է կոնգրեսական հայամետ թեկնածուներին ԱՄՆ-ն հարվածներ է հասցրել հութիների 15 թիրախներին՝ երկրի մի շարք շրջաններում Ռուսաստանը հայելային պատասխան կտա ԱՄՆ-ի միջուկային փորձարկումներին. ՌԴ ԱԳՆ ԱՄՆ-ն Իսրայելին օգտագործում է, որ տիրանա Մերձավոր Արևելքի բոլոր ռեսուրսներին․ Ալի Խամենեի «Կարելի՞ է այդքան անշնորհակալ լինել»․ Ալիևը մեղադրանքներ է հնչեցրել ԱՄՆ–ի հասցեին