«Հրապարակ». Սամվել Բաբայանն ակտիվանում է
Հայկական Մամուլ
«Հրապարակ» թերթը գրում է. «Արցախի Անվտանգության խորհրդի նախկին քարտուղար Սամվել Բաբայանը հոկտեմբերի 5-ին հավաք է հրավիրել Ստեփանակերտում ՝ քննարկելու Արցախի շուրջ զարգացումները։ Արցախի քաղաքական շրջանակներում անհանգիստ են Բաբայանի վերադարձի առիթով, մի քանի վարկած է շրջանառվում: Բանն այն է, որ 44-օրյա պատերազմից հետո Բաբայանը տեղափոխվել է Հայաստան, մեկ-երկու անգամ է եղել Արցախում, համենայնդեպս՝ հանրային նման միջոցառման չի մասնակցել, առավել եւս՝ կազմակերպել։
Արցախցիները կարծում են, որ նա Փաշինյանի թիմից է եւ նրա կողմից է հովանավորվում։ Եվ եթե վերադառնում է, ապա լուրջ պատճառներ կան, օրինակ՝ կասկածում են, որ Փաշինյանն է գործուղել՝ արցախցիներին նոր ցավոտ զիջումների պատրաստելու համար, որպեսզի, երբ Արցախի գործող վարչախումբը փորձի հակադրվել Արցախը հանձնելու որոշմանը, Բաբայանի միջոցով զսպեն խռովությունները:
Ոմանք էլ կարծում են, որ Բաբայանն ինքն է փախել կործանվող նավից՝ հասկանալով, որ Փաշինյանի իշխանության վերջը մոտ է, եւ շուտով, երբ ստորագրվի խաղաղության պայմանագիրը, ինքն այլեւս Հայաստանում տանիք չի ունենա, եւ ժամանակն է՝ վերադառնալ հայրենիք»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
