Քայլի Ջեները չի կարողանում անուն ընտրել իր որդու համար. Թրևիս Սքոթը փոխում է այն
ԼուսանկարներԱմերիկացի մոդել և գործարար Քայլի Ջեները խոստովանել է, որ դեռ անուն չի ընտրել որդու համար, քանի որ ամուսինը՝ Թրևիս Սքոթը, անընդհատ նոր բան է հորինում։ Այս մասին հայտնում է Mirror-ը։
2022 թվականի փետրվարին Քայլին և Սքոթը երկրորդ անգամ ծնող դարձան։ Սկզբում տղային անվանել են Վոլֆ, որը անգլերենից թարգմանաբար նշանակում է «Գայլ», սակայն մի քանի օր անց ծնողները որոշել են, որ ընտրված անունը չի համապատասխանում իրենց որդուն։ Օրերս Քարդաշյանների շոուի եթերում Քայլի Ջեններն ակնարկել էր մորը՝ Քրիսին, որ փոքրիկի անունը պատրաստվում է փոխել։
«Կարծում եմ՝ մենք նրա համար անուն ենք հորինել: Բայց ես դեռ չեմ պատրաստվում այդ մասին հայտարարել, քանի որ Աստված մի արասցե նորից կարող ենք փոխենլ։ Իրավական առումով մենք դեռ ոչինչ չենք փոխել, քանի որ Թրևիսը շատ անգամներ է նոր անունների առաջարկներով հանդես եկել։ Սպասում եմ, որ մեր որդին ինքը իր համար անուն կընտրի»,- կիսվել է Քայլին: