Պուտինը կոչ է արել ուղղել մասնակի մոբիլիզացիայի ժամանակ արված սխալները
Աշխարհ
Ռուսաստանում մասնակի մոբիլիզացիայի ժամանակ թույլ տրված սխալները պետք է ուղղվեն և այլևս նման սխալներ թույլ չտրվեն, ասել է նախագահ Վլադիմիր Պուտինը Անվտանգության խորհրդի անդամների հետ օպերատիվ հանդիպման ժամանակ, գրում է ՌԻԱ Նովոստին։
ՌԴ ղեկավարի խոսքով՝ մոբիլիզացիայի հետ կապված բազմաթիվ հարցեր կան երկրի քաղաքացիների կողմից։ Պուտինը հորդորել է հասկանալ ապօրինի զորակոչի յուրաքանչյուր կոնկրետ դեպք և սխալի դեպքում մարդկանց վերադարձնել տուն։ Նա հիշեցրել է` պետք է հաշվի առնել, որ որոշ քաղաքացիներ տարկետում ունեն։
«Օրինակ՝ խոսքը բազմազավակ հայրերի կամ խրոնիկական հիվանդություններով տառապողների կամ արդեն զինվորական տարիքը անցած մարդկանց մասին է»,- ընդգծել է պետության ղեկավարը։ Պուտինը նաև հիշեցրել է, որ շատ բարձրակարգ բժիշկներ, հիվանդանոցներում երկար տարիների փորձով այլ մասնագիտությունների գծով մասնագետներ ներգրավված են եղել մոտոհրաձգային ստորաբաժանումներում։ Մնացած դեպքերում կամավորներին առանց կանչի հետ են ուղարկել, քանի որ իբր նրանք չեն ունեցել անհրաժեշտ ռազմական մասնագիտություն։
Կրկնում եմ՝ զորակոչի են ենթակա ռեզերվում գտնվող քաղաքացիները, և առաջին հերթին նրանք, ովքեր ծառայել են ՌԴ զինված ուժերում և ունեն պահանջված ռազմական մասնագիտություններ և համապատասխան փորձ»,- հավելել է նա։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
