ԱՄՆ-ն կավելացնի ռազմական աջակցությունը Կիևին. Պենտագոն

Միացյալ Նահանգների պաշտպանության նախարար Լլոյդ Օսթինը հայտարարել է, որ ԱՄՆ-ն իր դաշնակիցների հետ քննարկում է Ուկրաինային ռազմական աջակցության ընդլայնումը, այդ թվում՝ Ուկրաինայի Զինված ուժերի զինվորների և սպաների վերապատրաստումը, փոխանցում է РИА Новости-ն։

«Մենք մեր դաշնակիցների հետ քննարկում ենք նոր միջոցներ՝ աջակցելու Ուկրաինային տարածքը պաշտպանելու նրա ջանքերում, և մենք կշարունակենք դա անել», - ասել է Օսթինը:

Բացի Ուկրաինայի զինված ուժերի զինվորներին և սպաներին պատրաստելուց՝ ԱՄՆ-ն և ՆԱՏՕ-ի դաշնակիցները նախատեսում են օգնել ուկրաինական բանակին նյութատեխնիկական ապահովման և լրացուցիչ սպառազինությունների մատակարարման հարցերում:

Ավելի վաղ The New York Times-ը հայտնել էր, որ Պենտագոնը նոր շտաբ է ստեղծում Գերմանիայում Ուկրաինան վերահսկելու, ինչպես նաև Եվրամիության երկրների միջև ՆԱՏՕ-ի անդամներին աջակցությունը համակարգելու համար։

Նշվում է, որ ռազմական առաքելությանը, որը տեղի կունենա Գերմանիայի Վիսբադեն քաղաքում՝ Եվրոպայում ԱՄՆ բանակի շտաբում, կներգրավվի մոտ 300 ամերիկացի զինծառայող։ Այսպիսով, ԱՄՆ-ն ցանկանում է ֆորմալացնել այն գործընթացները, որոնք տեղի են ունենում Ուկրաինայում հատուկ ռազմական գործողության սկզբից ի վեր։