Եվրոպան կյանքի որակով կվճարի Ռուսաստանի գազից հրաժարվելու համար. փորձագետ

Վաղ թե ուշ Եվրոպան կկարողանա առանց ռուսական էներգառեսուրսների գոյատևել, բայց միայն իր կյանքի որակի և տնտեսության գնով, Ռիա Նովոստիին ասել է փորձագետ Իլյա Կալենկովը։

«Այն հարցին, թե առանց Ռուսաստանի ռեսուրսների Եվրոպան գլուխ կհանի՞ արդյոք, մենք հանգիստ կարող ենք պատասխանել, որ կհանի։ Բայց ինչի՞ հաշվին է դա լինելու։ Ի վերջո, ընդհանրապես, կարելի է վառելափայտով տաքանալ և հպարտորեն հայտարարել, որ առանց ռուսական գազի եք ապրում։ Կարող եք փակել ձեր արտադրությունը կամ տեղափոխել այն Ամերիկա: Բնականաբար, դա կնվազեցնի կախվածությունը ռուսական գազից, դրա կարիքը ավելի քիչ կլինի: Բայց այստեղ հարցը ոչ թե գոյատևելն է, այլ կյանքի, տնտեսության որակը պահպանելը, - ասել է փորձագետը։