Բրիտանուհուց ամուսնուն խլած ուկրաինացի փախստականը որոշել է բաժանվելուց հետո վերադառնալ հայրենիք

Ուկրաինայից փախստական ​​Սոֆյա Կարկադիմը, որի պատճառով բրիտանացի Էնթոնի Գարնետը լքել է կնոջն ու երկու երեխաներին, որոշել է վերադառնալ հայրենիք՝ Լվով։ Այս մասին հայտնում է Daily Mail-ը։

Աղջկա խոսքով՝ Ուկրաինայում մնացած հարազատները խնդրել են իրեն վերադառնալ։ Բացի այդ, Կարկադիմը գոհ չէ Լոնդոնում կյանքի պայմաններից։

Միևնույն ժամանակ նա ասել է, որ «մի միլիոնատեր, ով տուն ունի, իբր կապվել է իր հետ և իրեն մնալու տեղ առաջարկել, սակայն աղջիկը հրաժարվել է։ Ուկրաինուհին նաև նշել է, որ հույս ունի վերականգնել հարաբերությունները Գարնետի հետ. նա խոստացել է դադարեցնել ալկոհոլ օգտագործելը և խնդրել է երիտասարդին հնարավորություն տալ իրեն։

Ավելի վաղ հաղորդվել էր, որ բրիտանացի Էնթոնի Գարնետը և նրա կինը՝ Լորնան, ապաստան են տվել Կարկադիմին վաղ գարնանը։ Մի քանի օր անց ընտանիքի տղամարդը տասը տարվա ամուսնությունից հետո թողել է կնոջը և երկու երեխաներին ու գնացել ուկրաինուհու մոտ։ Փախստականը պատմել է, որ Էնթոնիի հետ իր մերձեցմանը նպաստել է կնոջ պահվածքը, ով շատ խանդոտ է եղել:

Վերջերս Գարնետը լքել է Կարկադիմին՝ ասելով, որ վախենում է իր կյանքի համար՝ աղջկա ագրեսիվ պահվածքի պատճառով։ Բաժանվելուց հետո Կարկադիմը փորձել է անօրինական կերպով մուտք գործել Գարնետի տուն՝ կոտրելով դուռը, սակայն նրան ձերբակալել է ոստիկանությունը։

Դրանից հետո փախստականը դժգոհել է բրիտանացիների կողմից վատ վերաբերմունքից։ Նա պատմել է, որ միասին ապրելու ընթացքում երիտասարդը կախվածություն է ունեցել առցանց մոլախաղերից՝ միաժամանակ ծախսելով 500 ֆունտ ստեռլինգ:

Այս թեմայով Լեհաստանի կողմից հարձակման դեպքում Բելառուսը կաջակցի Ուկրաինային․ Լուկաշենկո Լուկաշենկոն խոստացել է օգնել Ուկրաինային ՌԴ ԶՈւ-ն վերահսկողության տակ է վերցրել Ուգլեդար քաղաքը ՆԱՏՕ-ի նախկին գլխավոր քարտուղարի դեմ դատական ​​հայց է ներկայացվել ՆԱՏՕ-ի նոր գլխավոր քարտուղարն այցելել է Ուկրաինա