18-ամյա տղան ծեծելով սպանել է անցորդին՝ իրեն ծխախոտ չտալու համար

ՌԴ Վորոնեժի մարզում տեղի 18-ամյա բնակիչը մեղադրվում է 52-ամյա տղամարդու սպանության մեջ։ Այս մասին հայտնում է SU SK տարածաշրջանի մամուլի ծառայությունը։

Դեպքը տեղի է ունեցել այս տարվա մարտի 14-ին։ Պարզվել է, որ հարբած մեղադրյալը զբոսնելու է գնացել ընկերոջ հետ, ով նույնպես հարբած վիճակում է եղել։ Ինչ-որ պահի դեռահասները ցանկացել են ծխել և անցորդից ծխախոտ են խնդրել, սակայն մերժում են ստացել։

Այնուհետև երիտասարդը դաժան ծեծի է ենթարկել տղամարդուն, ապա ապակե շշով հարվածել նաև 35-ամյա ականատեսին, ով փորձել է պաշտպանել անծանոթին։ Վորոնեժի տուժած բնակիչները հոսպիտալացվել են, սակայն նրանցից մեկին փրկել չի հաջողվել. երկու օր անց նա մահացել է փակ գանգուղեղային վնասվածքի պատճառով։

«Նախաքննության ընթացքում մեղադրյալն իրեն մեղավոր է ճանաչել։ Նախաքննական մարմինների միջնորդությամբ՝ դատարանը նրա նկատմամբ խափանման միջոց է ընտրել կալանավորումը»,- ասվում է հաղորդագրության մեջ։