Հունգարիայի վարչապետը սկանդալի մեջ է հայտնվել շարֆի պատճառով

Հունգարիայի վարչապետ Վիկտոր Օրբանը Բուդապեշտում Հունգարիայի և Հունաստանի հավաքականների ֆուտբոլային ընկերական հանդիպմանը ներկայացել է շարֆով, որի վրա պատկերված էր «Մեծ Հունգարիայի» քարտեզը՝ դրա կազմի մեջ մտնող հարևան պետությունների մասերով։

Այս մասին հայտնում է Index-ի խորվաթական հրատարակությունը։

Միջադեպը տեղի է ունեցել կիրակի երեկոյան։ Հունգարիայի վարչապետը սկսել է ինքն իրեն նկարահանել և շարֆով նկարվել շարֆով, որի վրա պատկերված էր Հունգարիայի քարտեզը՝ ԵՄ երկրների՝ Ավստրիայի, Սլովակիայի, Ռումինիայի և Խորվաթիայի մասերով։ Բացի այդ, «Մեծ Հունգարիայի» քարտեզը ներառում էր ներկայիս Սերբիայի և Ուկրաինայի շրջանները։ Այս տարածքները պատկանում էին Հունգարիայի թագավորությանը մինչև Առաջին համաշխարհային պատերազմի ավարտը։

Եվրախորհրդարանի ռումինացի պատգամավոր Ալին Միտուտան Twitter-ում ասել է, որ նման բաների համար ԵՄ առաջնորդները պետք է պատժեն և մեկուսացնեն Օրբանին։

Ռումինիայի ԱԳՆ-ն նույնպես արձագանքել է վարչապետի շարֆին։ ԱԳՆ-ն Բուխարեստում Հունգարիայի դեսպանին Օրբանի քայլի կապակցությամբ «խիստ դժգոհություն» է փոխանցել: Նրանք նշել են, որ «նման ժեստն ակնհայտորեն հակասում է բաց մթնոլորտին և երկկողմ երկխոսության վերսկսմանը վերջին խորհրդակցությունների կապակցությամբ, որոնք Ռումինիայի արտգործնախարարը Բուդապեշտում անցկացրել է ինչպես իր հունգարացի գործընկերոջ, այնպես էլ Հունգարիայի վարչապետի հետ»։