ԻՀՊԿ-ն կրկին հրթիռային հարվածներ է հասցրել Իրաքի քրդերին

Իրանի Իսլամական հեղափոխության պահապանների կորպուսը (ԻՀՊԿ) վերսկսել է հրթիռակոծությունները Իրաքում քրդերի դիրքերի վրա, հայտնում է Shafaq News-ը։

Lenta.ru-ի փոխանցմամբ՝ գործակալությունը նշում է, որ հարձակումների թիրախը եղել է  «Քուրդիստանի ազատություն կուսակցության» շտաբը, որը տեղակայված է Հյուսիսային Իրաքի սահմանամերձ շրջանի Էրբիլ քաղաքի շրջակայքում։ Հարձակման ժամանակ ընդհանուր առմամբ չորս հրթիռ է արձակվել։

Իրանական Tasnim լրատվական գործակալության փոխանցմամբ՝ Իսլամական հեղափոխության պահապանների կորպուսը կամիկաձե անօդաչու սարքերով հարձակվել է նաև քրդերի դիրքերի վրա։

«Այսօրվա հարձակման ժամանակ «Քուրդիստանի ազատություն կուսակցության»  շտաբը Քիրքուկի արվարձաններում խոցվել է կամիկաձե անօդաչու թռչող սարքերի կողմից»,- մեջբերում է գործակալությունը ԻՀՊԿ-ի հայտարարությունը։